Marthé McLoud is op 12 Maart 1964 op Stellenbosch gebore en het daar grootgeword. Sy het in 1985 haar BA-graad in Maatskaplike werk behaal en in 1989 haar MA-graad in Maatskaplike werk met lof geslaag. Sy het vir 25 jaar as maatskaplike werker in Pretoria en in Somerset-Wes gewerk. Sedert 2018 is sy afgetree en woon in die Strand.
Verskeie van haar gedigte en kortverhale is op Litnet gepubliseer. In 2017 was sy een van die 24 skrywers wie se kortverhaal opgeneem is in Stellenbosch Woordfees se kortverhaalbundel, WYS.
In 2016 behaal sy ‘n tweede plek in die Bloemfonteinse Skrywersvereniging se nasionale gedigtekompetisie en verskyn haar gedig in Inkvars.
In 2017 word ses van haar gedigte in die digbundel, Nuwe Stemme 6, wat deur Tafelberg uitgegee is, opgeneem. Een van haar gedigte het ook in 2018 in New Contrast verskyn.
Met die jare is verskeie van haar gedigte op Versindaba en in die Sol Plaatje European Union Poetry Anthology gepubliseer.
Vanaf 2017 tot 2025 verskyn van haar gedigte in verskeie hoofstroomversamelbundels, naamlik Nuwe Stemme 6, die grendeltydbloemlesing Maskers en Mure, die mediese poësieversamelbundel Flikkergram, asook die versamelbundel, Merang, een van die Afrikaans 100-projekte.
In 2025 verskyn haar debuutbundel Ontbloot by Turksvy Publikasies.
[Nota van die Versindaba redaksie: Ons wil graag nuwe en ou digters aanmoedig om vir ons opgedateerde profiele aan te stuur na taljard.marlies@gmail.com
Van ‘n digter wat al een of meer solo-bundels by ‘n erkende uitgewer gepubliseer het, versoek ons die volgende:
-
-
- ‘n Redelik onlangse foto in JPG-formaat
- ‘n Lys van publikasies (ook die belangrikste nie-poëtiese publikasies)
- ‘n Kort lewenskets wat inligting bevat oor o.a. waar en wanneer jy gebore is en grootgeword het, waar jy studeer het, watter beroep jy beoefen of waarmee jy jou tans besig hou, waar jy op die oomblik woon, ens.
- Enige ander interessante feite oor jou
-
Skryf asseblief die profiel in narratiewe vorm en nie as ‘n reeks feite ondermekaar nie, ten einde dit meer lesersvriendelik te maak.]