Onvolledige stelsel
Die kamer is kalm;
dit bevat boeke, twee
slapende honde, ‘n rekenaar, ‘n gebreekte
kamera-driepoot, velle papier met notas, geïgnoreerde
besigheidskaarte, ‘n selfoon, penne en
potlode. Besluitelose lug vou in
en by die deur uit.
Má vlast speel oor die radio, en
word al hoe sterker en stormagtiger met verloop van
tyd.
Buite skreeu ‘n mossie in protes,
Hy beskou die musiek as kunsmatig,
en hy’s reg –
dit is aanmekaargesit deur ‘n man.
Die rekenaar se toetse moet
in ‘n sekere volgorde getik
word.
Die kamer het my
nodig.
© De Waal Venter/ 2013