Susan Smith. Onderwater

 

 

 

ONDERWATER

 

Stroke by

stroke my

body remembers that life and cries for

the lost parts of itself. – Mary Oliver

 

jy voel jou arms krimp haal na haal

jou vingers met swemvliese geweb

vaartbelynde vinstrale word

jou vel blinkgeskub en gladder

sikloïed om jou vou

jou oë al groter oper onder water

jou bene in ’n silwer streepspier

saamgegroei

jy voel die water trek en stoot

deur gevoude filamente

en lamelle van jou kieue vloei

jy swem jou self

onverbysterd tegemoet

 

© Susan Smith Uit: Die aarde is ‘n eierbou ark (2016, Protea Boekhuis).

Illustrasie: Susan Smith

 

Bookmark and Share

Een Kommentaar op “Susan Smith. Onderwater”

  1. Thomas Deacon :

    Hierdie is ‘n wondervers.

  •