Elmarie Viljoen-Massyn

 

Vier volmane

 

Wit

Die naglug is ʼn stola, ʼn gladde strook

fluweel; die maan is daaraan vasgesteek,

ʼn perlemoenkamee.

 

Geel

Dié liggeel lelie bly oop in die nag, dryf

op ʼn Monet-erige visdam.

 

Blou

1883, Krakatoa. Agter die kantgordyn as

hang die Delftse bord ongestoord.

 

Rooi

Die naghemel buig oor ons: ’n blink, donker

blaar. Nou en dan, as ons gelukkig is, sien ons

die groot lieweheersbesie daar.

 

© Elmarie Viljoen-Massyn, 2022

 

Bookmark and Share

Comments are closed.