Mellet Moll. Muerte en la tarde

 

Muerte en la tarde

Manolete (1917 – 1947)

 

Die casa in Seville is ’n fragment

vanuit die Spaanse volk se narratief:

 

die cante jondo van die matador

as hy sy doodsveragting aan haar wys

waar sy afsydig oor die slagveld staar

terwyl die Quadalquivir die gety

se residue na die see toe neem.

 

By Córdoba verstil die middagstof

tussen gestolde bloed en dooie waan

van picadors en toros wat verlaas

die vreemde kanon van die dag herdenk.

 

Die matador sal voor die skare buig

wanneer ’n engel uit die stillewe

die offerande van die volk kom haal.

 

Sy sal haar oë een keer sluit en droom

oor minnaars wat uit die siërras kom

as die corrida in die oudag kwyn.

 

Olé!

 

© Mellet Moll, 2022

 

Bookmark and Share

Los kommentaar

 

*