Galileo Galilei
as jy nie wil weet
die aarde draai om die son
hoe gaan jy weet
die Skrif is opgesom
toe die aarde plat was
die lewer ‘n fontein van bloed
en mense geboei was
as hulle hipotese anders vermoed
Galileo as jou teleskoop
vandag tot in die hemel kon kyk
gaan ons jou daar sien?
en almal wat moes boet
vir die sondes van hul vaders
en dié se vaders?
of gaan ons ‘n kaleidoskoop
van sterrestelsels ontdek
wat verby die hemel strek?
tog sien my oë jou God
Galileo Galilei
as ek net na die hemel kyk
© Elisma van Zyl 2024