tydelik
in kinetiese aksie het hulle in die buiteland beland
verdwaas staan hulle in washington gestrand
waar vreemdelinge met hulle praat
verward kyk hulle rond met ‘n ander
land se vlaggies in hulle hand
was hulle die eerstes wat hulle geboorteland verlaat
aan die begin van die twintigste eeu het
boere na argentinie verhuis en is daar as
sapperlote agtergelaat
maar as sterwendes emigreer ons almal na
‘n vreemde vasteland want ons aardse
woonplek is temporeel
© Hennie Maartens, 2025