Nasionale pad no.2
(another Grim(m) fairy tale)
In die oksels van die oorbruê
lê lappe vleiland nog bewaar.
In die oksels van die oorbruê
waar die dwerggans en die tronkvoël
saam-saam nes kan maak.
In die oksel van ‘n oorbrug
lê my BMW se wrak:
baksteen deur die voorruit
waar kraaie aan my harsings knaag.
© Hennie Nortjé, 2026
Dis nes jy daar se Hennie
Geniet jou werk so Baie !
Uitstekend veral in die tyd wat ins nou leef. Mooi vasgevang