Wingerd Ons land, gebuk aan kwarantyn, weet soms nie of die son nog skyn. Maar kyk die wonderwerk: uit son, uit lug, uit water kom wyn. © Marieta McGrath
Category: Kompetisies
Kwatrynkompetisie (43)
vir hoe lank was daar nie landwye pyn ras self was vas in kwarantyn dog onder én bolangs het dinge gegis – onthou net jou plengoffer; geniet dan die wyn! © Waldemar Gouws, 2021
Kwatrynkompetisie (42)
soos druiwe gepars om wyn te berei die sap van die pitte en doppe geskei staan die mensdom en kan maar net gis sal die entstof ons uit die vate bevry? © Anton Dockel, 2021
Kwatrynkompetisie (41)
Nota op yskasdeur Indien die Covid-pes my sou kom haal, moenie stres nie – als is reeds betaal! In my óú trousseaukis blink rosé en cabernet in oorvloed (tjeers!) vir die begrafnisonthaal. © Ronel de Goede, 2021
Kwatrynkompetisie (40)
Die kwatryn as sjampanjebottel In die eerste word die draadjie losgewikkel, in die tweede die staalharnas afgesukkel en selfs as jy dan versigtig die kurk uit- trek is daar ’n verrassing in die laaste reël! © Daniel Hugo, 2021
Kwatrynwedstryd (39)
Veredeling vereis afsondering en wilde gisting lei tot berusting – dit alles leer ons by die druif en sy gedrag in dié tydperk van inperking. © Daniel Hugo, 2021
Kwatrynwedstryd (38)
God wat pandemiebekers skink, laat soms die mens vrank druiwe drink – onthou dan, mens, die kruis, die hisoptak, die léwenswyn wat daarop blink. © Marieta McGrath, 2021
Kwatrynwedstryd (37)
Begrip smoor in die vlak asem van kwarantyn; eie wil flerts vlug in dié Getsemane-pyn. Sal gedagtenis na buite kan rank en bot wyl die oesjaar se druif verskrompel tot rosyn? © Mari van den Berg, 2021