Kompetisies

Gerard Scharn. landschap onder invloed van laudanum beschreven

Tuesday, July 19th, 2022

 

landschap onder invloed van laudanum beschreven

 

legioen is niet mijn naam

want als eenling in een termietennest

ben ik zwerver in een vreemde wereld

die mij tegenstaat

 

waakvlammen branden in mijn hoofd

als vuurtorens in een woestijn voor

kamelendrijvers en hun karavanen

 

hier vliegt de vogel rok en splijten rotsen

waar wijzen uit het oosten de tijd herschrijven

of in de schaduw van een ezelin dobbelen

totdat de naakte waarheid zichtbaar wordt

 

ik zie dag en nacht in koikarperen kleuren

overvloeien in een stalenkaart van nijd

en afgunst ook dat is mijn landschap niet

 

mijn landschap is van rubber en elastiek

stopverf en silly putty doorboord met

wormgaten en tunnels van de schurftmijt

ik ben het ontvelde landschap waar ik levend

ben gevild in de schaduw van een baobab

 

© Gerard Scharn, 2022

 

Wenners van kwatrynkompetisie “Insekgedrag: Menslik betrag”

Tuesday, June 28th, 2022

 

 

 

Baie geluk aan Johann Lodewyk Marais, die wenner van die kwantrynkompetisie Insekgedrag: Menslik betrag.

Hildegard Klein se gedig is aangewys as die tweedebeste, met René Bohnen ‘n kortkop agter haar.

Baie geluk aan die wenners!

 

Prof. Joan Hambidge het beoordeel.

 

Johann Lodewyk Marais

 

Geestelike

Sphodromantis gastrica

Vanmiddag het ek onverwags besoek

van ’n geestelike ontvang – in ’n hoek

het hy my die leviete voorgelees

met wyshede uit die Heilige Boek.

 

© Johann Lodewyk Marais

 

Hildegard Klein

 

Kameeldoring en mier

Welkom, miersoldate, in die ruim basis

van my dorings, pas-gemaak vir julle gerief!

As julle tog net die ruspes wat so ‘n las is,

soms die skrik op die lyf sal jaag, asseblief!

 

© Hildegard Klein, 2022

 

René Bohnen

 

Vlinderkafee

(Danaus chrysippus)

Die dame in haar kolletjiesrok

drink soet blomsap deur ‘n dun strooitjie.

Word sy na ʼn ander blom gelok,

los sy korrels stuifmeel as fooitjie.

 

© René Bohnen

 

Wenners van die kompetisie “Die Fisika as poësie”-kompetisie

Wednesday, June 8th, 2022

 

 

Die volgende is as die 10 beste gedigte in die kompetisie “Die Fisika as Poësie”-kompetisie aangewys (in alfabetiese volgorde vogens digters):

 

Nini Bennett – My octopus teacher & Nefolitos

Zandra Bezuidenhout – Digterslaboratorium

Franco Colin – Breinskandering & Stephen Hawking

Joan Hambidge – Die gedig as beurtkrag

Johann Lodewyk Marais – Pofadder & Gretha Thunberg

Mellet Moll – Uurwerk

Gerard Scharn – over het kalibreren van morfogenetische velden

 

Gedig van die maand: Junie 2022

Thursday, June 2nd, 2022

 

 

Versindaba nooi alle digters wat reeds ‘n solo-bundel by ‘n gevestigde uitgewer gepubliseer het (of genooide digters), om deel te neem aan ons kompetisie: “Gedig van die Maand: Junie 2022”.

Digters kan gedigte oor enige tema en in enige digterlike vorm instuur vir beoordeling. Vertaalde gedigte mag, soos vantevore, steeds ingestuur word indien dit aan Versindaba se huisreëls voldoen, maar kom nie in aanmerking vir ‘n prys nie. Die digter van die wengedig ontvang ‘n prys van R500. Die kompetisie sluit op 30 Junie 2022.

Die Inhoudsbestuurder van Versindaba behou die reg voor om te besluit welke gedigte op die tuisblad geplaas word en geen gesprek sal daaroor gevoer word nie.

Inskrywings kan gestuur word aan die Inhoudsbestuurder, Versindaba, by die volgende e-posadres.

taljard.marlies@gmail.com

Inskrywings moet as Word-dokument in ‘n aanhangsel by die e-pos ingesluit word. Slegs een gedig per aanhangsel, asseblief. Lettertipe: Arial 11 punt, een-en-‘n-halwe spasiëring.

 

Johann Lodewyk Marais. Pofadder

Tuesday, May 31st, 2022

 

Pofadder

Bitis arietans arietans

 

Die pofadder lê doodstil

met ʼn suurstofpyp in sy keel

onder ʼn Zeiss-mikroskoop

en ná die afbind van die are

kom met die fyn, fyn voel

van die dissekteerskêrtjies

tussen vier hande

die gifkliere aardig uit

vóór met dun naald en gare

die wond toegewerk word,

terwyl die slang se hart

tussen gekielde lyfskubbe klop –

gereed om net vir die vertoon

na sy hanteerders te pik.

 

(Sefako Makgathouniversiteit)

 

            © Johann Lodewyk Marais, 2022

 

Elmarie van Kampen. Mot

Tuesday, May 31st, 2022

 

Mot

 

die mot se langsame fladder-draal

ál nader aan die lokkende vlamme-praal

verloop soos vele gedoemde attraksies:

verblindend, vurig, fataal

 

© Elmarie van Kampen, 2022

 

Elmarie van Kampen. Inachus io

Tuesday, May 31st, 2022

 

Inachus io

 

soos ‘n fetus tot mens kom

binne sy moederkokon

transformeer die ruspe okkult

tot volle vlinder wasdom

 

© Elmarie van Kampen, 2022

 

Mellet Moll. Jacques-Yves Cousteau

Saturday, May 28th, 2022

 

Jacques-Yves Cousteau

 In the deep space of the sea I have found my moon. – Jacques-Yves Cousteau

 

Daar was ‘n tyd van meerminne

en seeperde, van fosfor en gety.

 

Ek kyk nog soms met stersku oë

na nagte uit ‘n stilgebore droom,

‘n rolprent van idilles wat verdof

en uiteindelik net dowe stemme

in die entropie van alle dinge bly.

 

Ek loop geboë in die dooiemaan,

dagblind vir die ouman in sy kyk

as ek, die seevaarder, sy ligspraak

in al die onverkende oseane soek.

 

© Mellet Moll, 2022